Q Good after noon dr., my self shahnawaz khan, lives in neemuch - mp. Sabse pehle me aapko apni history bata du. Mere younger brother ko 2004 se fits ki problem hai. 2008 me uski problem serious ho gayi, ghar pe me akela hone se mere dil me darr baith gaya, din-raat mere dil me uski bimari ka darr baith gaya. Year 2010 me mujhe bhi doctor ne high bp bata diya, ab ye double darr ne mere dil aur dimag pe gehra effect dala, mujhe darr ke saath saath anxiety bhi ho gayi. Maine 2010 me local physician ko dikhaya to dr. Mujhe libotryp tablet advice ki jise maine approx 1 year tak li, phir maine near ke psychiatrist dr. Jainani ko check karaya then unhone mujhe placida and s-zetalo 5 advice ki use maine 2013 tak liya. Jis se mai kafi had tak thik ho gaya. Phir maine use lena chhod diya. 2013 me phir se mujhe depression hone laga. Tab maine udaipur ke ek psychiatrist ko check karaya unhone mujhe paxidep cr 12.5 advice ki, pichhle 4 din se me ye tablet le raha hu, but mujhe koi bahut jyada benefit nahi hai saath hi ghabhrahat aur baicheni hai dr. Ne kaha hai ki ye kuchh din tak rahega phir ok ho jayega. Sir, please help me if you can, give your precious advice. Delhi/ ahmedabad ke best psychiatrist ke bare me bataye please. Thanks and in waiting for your response.
Namaste, ham aapki pareshani ko samaz sakate hai. Kripaya pareshan na ho. Akele hone ke karan aur dar se aapke man ki durbalata badhane lagi hai. Aapne li hui davaiya depression aur stress se nirmit blood pressure se samabandhit hai. Lekin kisi ek hi doctor ki li hui salah treatment aapko adhik upyukt hogi. Davaiyo ke badalane se bhi kabhi kabhi baicheni aur ghabarahat dikhati hai. Isake liye aap niyamit rup se pranayam ya meditation ka prayog kar sakate hai. Yah aapke blood pressure aur anxiety ko control karane me bhi madad karega. Kripaya aap regular exercise jaise running, jogging, light gym ka prayog karte rahe. Aap jin sthiti ko badal nahi sakate use accept karana aapki mushkilo ko kam kar sakata hai. Aap abhi le rahe Paxidep yah ek anti depressant medicine hai. Isake side effects ki vajah se bechaini ya ghabarahat ho sakati hai. Is liye aapke psychiatrist se isake sambandhit salah lena adhik upyukt hoga. Yadi unhone aapko kuchh dino tak isaka prayog karne ko kaha hai to kripaya isaka palan kare. Aap isake liye hamare topdoctorsonline.com ki website se mental health se sambandhit jankari pa sakate hai. Apana khayal rakhe.